 |
03:01 Minutos
Visita á casa-museo do escultor Víctor Corral en Baamonde-Begonte, provincia de Lugo. Recibiunos xentilmente o propio artista o día 02 de Xaneiro de 2011. Esta casa é obra das súas mans, feita pedra a pedra así como a capela eo xardín que a rodea, cheo de figuras entre as que chama a atención un pombal feito con pedras e minerais traídos de todo o mundo... Hai que destacar a orixinalidade do emprego de árbores vivas para labrar nelas impresionantes tallas. Un exemplo é o castiñeiro centenario que se atopa ó lado da igrexa parroquial de Baamonde no que Victor Corral tallou unha capeliña coa Virxe do Rosario. Esta casa-museo recibe anualmente miles de visitas incluíndo excursións escolares. Víctor Corral naceu en Baamonde no 1937, empezou a esculpir nos cornos das vacas da súa familia, nas rochas do monte, árbores etc, a carón da natureza do seu pobo, observando a fauna e flora da súa bisbarra. Estudou Artes e Oficios na Coruña e logo en Barcelona onde tamén traballou en distintos obradoiros, volvendo á súa terra finalmente como artista consagrado. Ten unha obra escultórica moi numerosa, fixo exposicións en varias cidades galegas, en Oviedo, Madrid, Barcelona, Xenebra... Obras súas figuran en varios lugares públicos de Vilalba, Guitiriz, As Pontes, Begonte, Cospeito, Foz, Cacheiras e en varios puntos da autovía N.VI Madrid-A Coruña así como no Parlamento de Galicia ou en Museos de Chicago, New York e en Galicia.
|
